Loving Hut愛家素食

冬季流感特別嚴重，加上武漢肺炎襲港，除咗戴口罩外，食得健康都係強身健體同增強免疫力嘅好方法。今次等小編大家介紹一間素食餐廳畀大家，齊齊做Go Green大軍！

餐廳已經有兩間分店，兩間都係開係九龍區，對於九龍區嘅街坊黎講誠意真係十足！

餐廳係全素食快餐店，所有菜式不含蛋、奶、蔥或蒜，供應各種類嘅素食菜式包括西式嘅糕餅、中式嘅叉燒飯、新加坡嘅叻沙等，醬汁都係自家製，而糕餅都係用堅果、堅果奶同原糖炮製。所有嘅大豆製品都係無基因改造，無味精，無防腐劑。當中主打菜式係有麻油猴頭菇蒸飯、愛家團圓盆菜、黑松露炒飯、黑椒漢堡包、玉燥拌上海麵同叉燒萬如飯套餐等等，簡直係包羅萬有，照顧到我地一班經常要食素嘅朋友仔，所以餐廳拎到最人氣素食大獎簡直係當之無愧！