泰串

今次為大家介紹呢間平民串燒店位於新蒲崗廣場對面橫街內的,唔係附近街坊都未必知,呢度未行到去都已經聞到陣陣串燒香味,好多街坊都識過黎搵食。

老闆麥先生話「泰串」響區內經營左十六年,陪伴不少學生成長,好多熟客由讀書時期,到出來工作至成家立室,有時候仲會帶埋一家大細到鋪頭光顧,為的是一種回憶,回憶的味道!

店舖地方不大,簡簡單單,一部雪滿了汽水飲品的冰箱,店內仲有一位姨姨每日燒出各式各樣嘅串燒,用心制作,款式選擇算多,售價便宜,有30多款,經營多年都維持平民價,罐裝汽水都係賣$4,多年不變,認真抵飲抵食;而小店仲有$19粉麵或者撈麵套餐。聽說姨姨年屆退休,往後可能無人接手,如此令人感覺有點惋惜!大家如果經過新蒲崗一帶的話,不妨轉入崇齡街橫巷尋找一下這間老店「泰串」,因為全部用心制作,等食串燒同時可以同姨姨暢談舊日,各位酷愛街頭小吃的朋友們,無論想回味昔日回憶,又或想品味街頭巷尾的隱世味道,都歡迎等你黎!有一種回憶,叫做味道。謝謝大家多年的支持!

燒魷魚
燒廚師腸
燒胸

泰串
地址:新蒲崗崇齡街34A地下
電話 : 9772 6283
營業時間:11:00-00:00

發表迴響