【食材專題】五間精選食材店 凍肉、素食、湯品、茶包,牛丸有齊晒

因為疫情關係,我諗大家都習慣咗買外賣或者自己煮飯,少咗出街食。但係香港人平時返工已經咁攰,放咗工應該都懶得煮飯。今次小編就幫大家挑選咗五間食材店,全部都係為懶人而設,簡單煮一煮就食得,方便又快捷。

1. 頂好優質肉食

頂好優質肉食係一間專門賣冰鮮凍肉嘅商店,有實體店,亦都有online shop。店內專營泰國頂級冰鮮豬肉,嚴選泰國頂級農場嘅一級豬隻,主打無激素、無哮喘藥、絕無非洲豬瘟。除咗泰國冰鮮豬肉,店舖亦有售泰國冰鮮雞、泰國無激素冰鮮一字排、格陵蘭野生比目魚、美國安格斯牛小排肥牛、美國安格斯牛上腦等,搜羅全球優質嘅凍肉食品。有咁多選擇,咁就唔使煩今晚煮咩餸食啦。

頂好優質肉食
地址:大埔墟街市M23-M24
電話:92760764
營業時間:星期一至日:06:30-18:30

2. 真玄素

唔知呢度有冇素食人士呢?有就啱晒你喇!真玄素嘅素食全部都係無添加動物基因,對食材製作非常高要求;好似麵條咁,一般會用機器烘乾,但係真玄素喺有衛生監管嘅情況下,會放喺太陽下晒乾,選擇天然嘅模式,一啲都唔馬虎㗎。佢哋嘅素食好似:紫豆卷、白玉鮮竹卷同拼盤都好受客人歡迎,自己買返屋企再配搭其他蔬菜類一齊煮又係另一番滋味,真玄素所有產品乃熟食產品,部份巳調味,只需解凍後翻熱,即可食用,鍾意素食嘅你哋唔好錯過喇。

真玄素
地址:馬鞍山鞍誠街28號富輝花園地下5A號舖
電話:94749219
營業時間:星期一至日:14:00-19:00 (星期三休息)

3. 御壹工房

平時屋企人唔得閒煲湯?唔緊要,依家市面上已經有好多湯包提供,只要拎返屋企加熱就可,好方便㗎。御壹工房有別於傳統實體商店,網上商店唔使俾高昂嘅租金、可以慳返員工薪金同推廣雜費嘅開支,所以店主儘量將商品價錢壓到最底,以薄利多銷嘅形式,令更多人受惠。每款即飲燉湯系列健康有營,經濟實惠,而且無添加人造色素、味精同防腐劑,性價比極高,買定兩三包喺屋企當存貨又得啫!

御壹工房
地址:大角咀洋松街73-79號君豪工商大廈6樓A2室
電話:23961620
營業時間:星期一至五:10:00-17:00

4. 好宜棧

依家年輕一代愈多愈多人注重保養,好多人都追求健康養生嘅生活。好宜棧主打黃金羅漢果,使用低溫脫水嘅方法,比坊間常見嘅羅漢果更為大,羅漢果味道清甜甘香,功效非常多;可以清熱潤肺,化痰止咳,更具有提神、生津、開聲等作用,而且純天然,不含蔗糖同果糖成份,唔會令人體嘅血糖指數升高,特別適合血糖人士飲用。為咗方便OL同上班一族,店舖特意推出茶包系列,令客人喺公司都可以飲用,想幾時養生都冇問題啦!

好宜棧
地址:觀塘開源道56號2樓10室大眾工業大廈
電話:3486 9034
營業時間:星期一至五:12:00-19:00(星期六日休息)

5. 潮州仔-潮汕牛丸食品専賣店

潮州仔係一間搜羅正宗潮汕美食嘅網店,主打各款手打牛丸、墨魚丸,紫菜等特色嘅潮州食物,每星期由潮州直送香港,保證真材實料,新鮮美味。佢哋嘅牛丸每粒手打手唧,用咗黃牛嘅大腿肉,加入秘製配方,入口彈牙,帶少少蒜香味,肉味香濃。好多客人都會特登買嚟打邊爐/煮麵嗰陣加幾粒落去,一樣快煮又易熟,簡直係懶人最愛!

潮州仔-潮汕牛丸食品専賣店
電話:6678 6992
Facebook:CHOWBOYFOOD

發表迴響