雖然夏天熱辣辣，但邊個話唔可以「烚下烚下」！佐敦新開嘅呢間十二鍋，$88就食到一個台式火鍋套餐，有鍋有飯有野飲，好抵食啵！
-台式麻辣鍋 $88
食到辣嘅朋友一定要試呢款～入口夠麻辣，好鬼過癮！入面有多款唔同嘅配料，好似牛肉、麻辣鴨血、爆汁牛丸、蛋餃，蜂巢豆腐等，台灣風味出晒嚟～
-芝士竹輪壽喜燒 $88
呢款對比起就係另一種味道，入口甜甜的，啲湯汁用嚟送飯真係一流！好鍾意佢個芝士竹輪，一口咬落去爆晒啲芝士出嚟，勁邪惡^^
-台式麻辣鴨血 $38
鍾意鴨血嘅朋友千祈唔好錯過，雖然鴨血唔算太厚，不過入口好嫩滑，而且零腥味，推薦！
-夜市雞皮捲 $36
新鮮熱辣辣咁食，外面個雞皮仲脆卜卜㗎！同埋雞肉滑得嚟又好香口，小食嚟講係幾出色㗎～
-墨花臣雙色腸 $42
坊間比較少見，黑色個款係墨汁花枝腸，再拼台灣香腸，墨汁花枝腸中間幾彈牙～但個人更愛台灣香腸，同樣帶甜嘅口感，好正！
-麻辣臭豆腐 $48
聞落其實冇乜臭味，但一入口，啲臭味好似大爆發咁，豆腐索滿晒啲湯汁，大滿足呀！
十二鍋
地址：佐敦彌敦道219號莊士倫敦廣場地下4&5號舖
電話：26692118
營業時間：星期一至日：12:00-22:00
📍 立即Follow 港飲港食 TalkFood ，發掘更多美食及優惠！
