【18區搵食-天后藥饍牛腩麵+厚燒牛舌飯】米芝蓮必比登推介牛腩麵|鮮甜藥饍湯底|牛舌關注組第一名厚燒牛舌飯|勁厚切牛舌|榴槤發燒友必食|超級榴槤雪沙|金枕頭榴槤

【18區搵食-天后藥饍牛腩麵+厚燒牛舌飯】米芝蓮必比登推介牛腩麵|鮮甜藥饍湯底|牛舌關注組第一名厚燒牛舌飯|勁厚切牛舌|榴槤發燒友必食|超級榴槤雪沙|金枕頭榴槤

一直都知天后有唔少正嘢食!今次雖然淨係食咗3間餐廳,不過貴精不貴多,每間餐廳都有佢嘅厲害之處~好似八寶清湯腩,係米芝蓮必比登推介,一入門口已經聞到好濃郁的藥饍味,湯底加咗當歸、淮山、龍眼肉等材料,雖然聞落好濃味,但飲落一啲都唔苦,反而好鮮甜。推薦佢哋嘅清湯蘿蔔牛寶麵,入面有齊坑腩、爽腩同崩沙腩,全部都係牛,好正呀!

另一間順日本料理,係牛舌關注組入面排名第一嘅厚燒牛舌飯。睇相都覺得好誇張,點知實物仲震撼!每一嚿牛舌超厚切,仲要足五大塊,牛舌軟腍入味,面頭嘅黑椒加埋米飯嘅醬汁送飯一流,鍾意牛舌嘅朋友一定要試!

最後一間甜姨姨私房甜品,喺天后經營15年,雖然冇銅鑼灣咁多新式刨冰,不過超級榴槤雪沙都唔差,啱晒榴槤發燒友!呢個雪沙入面有齊榴槤乾、新鮮榴槤肉、榴槤忌廉汁、榴槤雪葩、自製榴槤威化餅。用上金枕頭榴槤果肉,食落係好香好甜好綿,榴槤控千祈唔好錯過~

八寶清湯腩
天后電氣道124號榮華大廈地鋪
清湯蘿蔔牛寶麵(坑腩 爽腩 崩沙腩)$118

順日本料理
天后永興街23號地下
厚燒牛舌飯 $108

甜姨姨私房甜品
天后清風街13號地下
超級榴槤雪沙 $90

延伸閱讀:
【18區搵食-銅鑼灣偽旅行美食之旅】
https://www.youtube.com/watch?v=h8HKVhZnlcc

【18區搵食-灣仔名物老字號茶餐廳+脆皮燒春雞】
https://www.youtube.com/watch?v=30GuCCvgBmw

【18區搵食-灣仔鵝頸熟食中心】
https://www.youtube.com/watch?v=PAGYavyz0ig

【18區搵食-上環隱世咖喱炒飯+茶檔薄脆西多】

https://www.youtube.com/watch?v=mPqyvafYKtg