凌晨吃壽司,80、90後腦海出現的,必定是位於旺角雅蘭中心,有黑夜壽司之稱的「一壽司」。每到宵夜時段,總是大排長龍,皆因全部壽司半價,性價比極高,隨着最後一間旺角分店於2018年結業後,深夜食壽司仿佛成為集體回憶。

不過尖沙咀金巴利道有一間外賣壽司店「日多郎」,開業一年多,營業時間由下午6點至凌晨4點半,除了吸引附近夜歸人外賣醫肚外,小店更打着「全港唯一凌晨壽司全港送」的旗號,只要車能到達的地方,也會提供外賣送貨,客人落單後,即點即做壽司出車送外賣。無論遠至赤柱、北潭沖、西貢、石澳、大浪灣和機場等等山旮旯地方,甚或八號風球、紅雨、黑雨一樣使命必達,照常營業送外賣,經營手法可說大膽進取。

店主是99年出生的Melvin:「大多數日本餐廳都係10點半至12點收工,香港冇乜人凌晨全港送壽司,想試吓新嘢,好似坊間外賣平台,覆蓋全港,盡量去唔同區域,唔一定話嚟鋪頭,或者住附近先食到,想想凌晨喺屋企食壽司係一件好正的事!」畢業後,與朋友Alan一起創業,皆因有車牌,索性兼任做埋車手。

Melvin:「我嘅生理時鐘亂晒,放工四點半,返到屋企五點半,朝頭早七、八點先瞓到覺,我都算捱得夜,年輕人都鍾意夜生活,有埋呢間鋪就變到更夜,而家都適應咗。」他坦言自己喜歡駕車到處去,現在送外賣,有機會去到很多未知的地方。

小店的壽司即叫即握,都是客人落單後新鮮做。除一般大路款式外,最主打是焦糖壽司系列,即是壽司表面撒糖後火炙。三大人氣包括焦糖左口魚邊、焦糖玉子和焦糖蟹棒壽司。沒想到吃起來不算太甜,微微焦脆,尤其是火炙左口魚,焦糖融化於油脂感重的左口魚邊上,不愧是銷量排行榜第一。

刺身選擇多,件件厚切,口感豐富。其中池魚王鮮嫩,油脂甘香細膩,質感爽脆,大拖羅分佈雪花,入口即融,以外賣壽司而言,質素尚算不錯。
反卷大大件,有4件或8件選擇,有三款口味選擇,包括原味、芝士味或焦糖味。芝士反卷就是鋪上原片芝士炙燒,炸蝦即叫即炸,酥脆可口。焦糖味與拖羅碎鰻魚最Match,魚油配上微甜脆口焦糖,很好吃!

焦糖火炙左口魚邊壽司$15/件
焦糖玉子壽司 $11/件
焦糖黃金蟹棒壽司 $15/件
三文魚腩刺身 $88/5片
油甘魚刺身 $68/5片
池魚王壽司 $22/件
花之戀壽司$22/件
大拖羅壽司$68/件
辣味三文魚軍艦壽司$13/件
芝士火炙三文魚炸蝦卷 $32/4件
焦糖火炙拖羅碎鰻魚卷 $38/4件

日多郎外賣壽司專門店
尖沙咀金巴利道58-60A號金碧閣地下D號鋪
營業時間:星期一至日6pm-4:30am(最後落單時間4am)
電話:6658 1088
註:消費滿$300起免費配送(不同地區不同收費)
偏遠或半山區域附加費$30
另加來回隧道費(由尖沙咀金巴利道出發)
配送時間:8PM-4AM(即日訂單)
7PM-4AM (預訂訂單)

TalkFood 先填飽肚子再前進
YouTube : https://www.youtube.com/user/TALKFOOD
Facebook : https://www.facebook.com/talkfood
Instagram : https://instagram.com/talkfood

#壽司 #刺身 #外賣壽司 ##焦糖壽司 #全港送 #日式 #日多郎 #尖沙咀好去處 #尖沙咀 #日式料理 #宵夜 #深夜美食 #壽司#partyfood #TalkFood #TalkFood尖沙咀

延伸閱讀:
【#街坊嘢】銅鑼灣後巷小食店 | 仟米
https://www.youtube.com/watch?v=mfrgki2Crig
【#街坊嘢】一人廚房 | 還原台灣夜市小食 | 造咖
https://www.youtube.com/watch?v=BcM1Xkm-4qw