【街坊嘢】熟食中心元祖級正統西餐 日頭ABC碟頭餐 晚市格仔枱布 熱賣13年招牌烤乳豬

在西環的皇后街熟食市場，中午時分，擺放着大牌檔膠櫈、摺檯，驟眼看與港九新界各區熟食中心無異，各檔口共用場地，來到隨便找地方坐下便能大快朵頤。直到晚市，部分桌椅被鋪上紅色格仔枱布，細心地擺放好刀叉和一紅兩白高腳酒杯，整齊劃一，思毫不差，就是正宗西餐廳的儀式感。

這些悉心的佈局來自ABC kitchen，店子於2009年11月21號開業，在熟食中心經營正統西餐13年。老闆Joe曾任職高級西餐廳M at the Fringe，因舊公司不再於香港經營而失業，拿着舊公司約20萬的遣散費與強積金作為創業資金。Joe說：「12年前投資一間高級餐廳估計大約二百萬，邊有錢啊？租金又貴！但上天閂了一扇門，都會開一個窗給你，連續三日於皇后街熟食中心食飯，見到有個鋪位空置，就諗租金又平就嘗試創業。」找來舊公司大廚Jack合作，Jack掌舵廚房，負責設計餐牌，Joe負責樓面服務。

剛開業只經營午市，只得ABC三個餐，分別是意大利粉、Pizza和意大利飯；及後菜式增多，賣的是正統西餐，三道菜餐牌，分頭盤、主菜和甜品，每隔數個月就會轉換餐牌，人均收費四百元左右。吃到的都是功夫菜，做法繁複。如招牌烤乳豬是十三年來持續熱賣的主菜，先把乳豬疏窿上鹽落味，再以大火焗一小時，細火焗兩小時，乳豬皮脆肉嫩，配上薯蓉及燴皺皮椰菜，做法也不馬虎，同樣是即叫即煮，入味非常，整碟都可吃光光。
龍蝦湯十分香濃，先燒過龍蝦頭和大量小蝦，繼而混合雜菜炒香，並加入大量番茄和湯頭熬製數小時而成。
鴿子批是較創新的菜式，做法類似威靈頓牛柳，源自法國，由一款甜品演變成鹹點，用酥皮包裹住乳鴿肉，焗22分鐘至半生熟，外皮酥脆，鴿肉味突出，很特別。
另一大廚推薦是煙燻三文魚，以鹽、糖與胡椒醃製，再以木糠煙燻處理，再煎至半生溏心，最後鋪上一隻橙澄澄的流心蛋與三文魚籽，一大件極厚肉，軟熟入味，口感極佳，帶陣陣煙燻香氣。

必試甜品就是澳洲甜品蛋白批Pavlova，以蛋白霜為基底，加入雪糕、忌廉、水果，再淋上熱情果汁，吃起來甜中帶酸，很有趣！

雖說是熟食市場，同樣有着高級餐廳的服務。Joe說：「收得平不等於無服務，比喻就是我們唔需要舉手才叫得到服務員，你跌了隻叉，我第一時間又換一隻比你再幫你拾起，這才稱得上做Service。」現在沒有後生仔入行，儘管有，都未必想在大牌檔中做侍應，所以大部分員工都在此工作超過十年，連大哥Adi與大嫂Amy也來幫忙。
熟食中心與高級西餐看似格格不入，Joe說：「很多人問我，點解揀熟食中心，除了租平，我想理順熟食中心的標誌，真係有大眾化中西美食，令人認識原來西餐可以是這個模樣，我覺得在熟食中心經營高級西餐，就等於我踏着單車就當駕駛法拉利跑車了，不是瘋狂地飆車，只不過是自己覺得很滿足了。」

午市限定：
Ａ卡邦尼扁意粉$58
Ｂ蘑菇薄餅$68
Ｃ紅菜頭意大利飯$68

西班牙燒乳豬配薯蓉及燴皺紋椰菜$218
龍蝦湯$118
法式鴿子千層批$268
煙燻三文魚配椰菜花蓉忌廉煮菠菜及水煮蛋$228
Pavlova $68

ABC Kitchen
上環皇后街1號皇后街熟食市場7號鋪
電話：92788227
營業時間：星期一至六12nn-2:30pm、7pm-10:30pm 星期日休息

撰文：Eunice Ng
攝影：Peter Li、Fong Ka Him
美術：Anita Lam

TalkFood 先填飽肚子再前進
YouTube : https://www.youtube.com/user/TALKFOOD
Facebook : https://www.facebook.com/talkfood
Instagram : https://instagram.com/talkfood

#ABCKITCHEN #熟食中心 #PIZZA #意大利粉 #意大利飯 #西餐 #高級西餐 #西環 #皇后街熟食市場 #ABC #卡邦尼 #西班牙燒乳豬 #煙燻三文魚 #龍蝦湯 #威靈頓牛柳 #法式鴿子千層批 #食晏 #外賣 #意大利菜 #歐陸菜式 #TalkFood #TalkFood街坊嘢

延伸閱讀：
【街坊嘢】隱身尖沙咀怪獸天井 吃窩心貓飯燒鰻魚︳天井食堂
https://www.youtube.com/watch?v=zfq8qybQdyU

【街坊嘢】柴灣山旮旯無冷氣點心牌檔 懷舊臘味糯米包︳潮發粉麵
https://www.youtube.com/watch?v=zZi-wtlMIj8

【街坊嘢】材料自己揀！一人外賣店 即叫即焗 手做明太子年糕意式薄批︳Double 8 Pizzeria
https://www.youtube.com/watch?v=NdZmSCfzsG0