【#街坊嘢】港島最強茶記︳午市$68抵食鮮龍蝦肉碎泡飯︳型男索女商務頭等餐︳龍蝦湯海蝦球意粉配蟹肉蟹籽炒蛋多士$52 | 早餐A賣到P餐︳9年來首開晚市︳CP值極高海鮮肥牛邊爐

炮台山宏安道有一家堪稱港島最強的茶餐廳「半島冰室」，2014年5月開業至今，門外長期堆滿人，左邊等外賣，右邊排堂食，無論早餐、午市還是下着大雨，人潮也沒有退減。「門口有無一位？」「你好！今日想食咩？」「扒爐緊張！」「Ｂ餐剩4！」「有無外賣20號飛」……忙碌得很。

皆因這間街坊食店口碑極好，客人無不大讚平靚正，花款多，性價比極高，多年來儲落一堆熟客。老闆東哥風趣幽默，笑容燦爛，轉數夠快，服務態度極好，是最稱職的樓面負責人；掌舵廚房的楓哥，成熟穩重，對食物出品把關嚴謹，二人多年來合作無間。

「四眼佬！叫你啊！一位就入嚟啦。」老闆東哥突然在門口嚷着。
一位中年男客人一臉愕然，東哥隨即再追加一句：「望咩啊，四眼佬，你唔係四眼咩？入嚟啦！」客人隨即氣沖沖走上跟前，正當以為要投訴時，二人
相互拍膊頭你說我笑，老友鬼鬼。

看看餐牌，早餐有A至P餐，下午茶餐更多，由A餐數至Q餐，坊間沒有一間茶餐廳的餐牌款式像半島這麼多。
每日精選ABCD午餐，每款約60多元便有交易，東哥每天把午餐Menu上傳至Facebook，菜式兩日更新一次，半島熟客們都會捕足新餐牌出爐，品嘗後即時新增食評報告供街坊參考。
「我今日試A餐個封門柳好鬼正」
「原隻連殼既生蠔超好食」
「我十二點鐘去到，好在仲有得食雞燉翅」
花款那麼多，皆因他們不希望茶餐廳離不開「不是豬扒飯就是雞扒飯」的刻板印象，想做一些特別款式給客人選擇。東哥指：「有時你問我，星期一出咩餐，我都答唔到你，因為我同楓哥好視乎心情，諗到乜就出咩餐，點解會有大閘蟹、龍蝦、安格斯牛扒與和牛等等，都係睇有咩靚貨就做。」

小編到訪當日，A餐正是鮮龍蝦泡飯，大約早上十時，一箱箱生猛龍蝦新鮮運到，楓哥接着說：「視乎海鮮檔供應量，因為龍蝦不常有，有貨都要睇睇價錢是否適合，太貴又做唔到，能力做到一定做，通常有蟶子、花甲、龍蝦等等。」
客人落單，新鮮龍蝦即叫即開邊，看着楓哥手起刀落，隨即用豬骨湯底，加入肉碎與紫菜生滾出來。龍蝦肉鮮味彈牙，豬骨湯濃厚入味，食慾大增，一碗才$68，絕對抵食！

說到半島最有名的，就是型男、索女、商務與頭等四款套餐，餐牌以東哥嘜頭做生招牌加持，相當有趣鬼馬。索女餐是特濃番茄牛肉通粉跟炒蛋多士，以豬骨湯頭加入番茄、洋葱、紅蘿蔔煲成蓉，再加入新鮮番茄再煲，味道偏酸，很開胃，番茄味極濃郁，啖啖鮮茄肉，牛肉滑嫩可口。
頭等餐最特別，是自家龍蝦湯海蝦球意粉跟蟹肉蟹籽炒蛋多士，先炒香急凍波士頓龍蝦殼，再熬煮湯頭數小時，入口帶淡淡的龍蝦香，不會太稠身，彈牙海蝦球跟意粉拌吃十分鮮味。蟹肉蟹籽炒蛋多士亦非同凡嚮，足料大份的松葉蟹柳炒蛋，多士有兩塊，烘得香脆可口。

街坊口中還有一個隱藏Menu，東哥笑言:「應該是招牌葱油豬扒煎蛋飯，因為無特別寫落Menu，只得門口有幅poster介紹，街坊照叫，我們都會照做！」採用大大塊有骨豬扒，兩面煎至微焦脆邊，肉質軟嫩有肉汁，最邪惡是海量的葱油，還有燶邊流心煎蛋，不愧是招牌菜！

坊間一直流傳，半島不休做，多年來只做早餐、午市及下午茶，沒開晚市，周日更是休息，但為甚麼自去年七月起決定晚市營業呢？東哥一臉認真地說：「其實當初開始開店，直到叫做搵到飯食，我們都唔開晚市和星期日，有邊個唔想賺錢，不過同事們都有家庭，我哋都有家庭，都想陪屋企人與太太，錢係搵唔晒。不過疫情生意較靜，楓哥同我又不想加價，就決定開晚市拉上補下，亦開始出售醃好的生雞扒豬扒雞翼，希望多一點生意。樓面13個人，廚房上下16個人，大家生活都困難，唔敢講俾到好多同事，只要做好本份，就算企喺到冇事做，無減過一個人。」

至於晚市菜式，比午市更豐盛，最吸引的海鮮涮涮鍋，分ABC三個組合，由$88起，最豐富的C餐售$168，包肥美肉厚的美國桶蠔、活海蝦、手打蟹籽蝦滑、手切雪花牛、安格斯牛小排、農場雞件等，超級大份，足有1.5人份！

還有十款晚市精選，餐牌每星期更換。好像鐵板香煎紐西蘭牛肉眼，厚切的肉眼扒，脂肪油花豐富，肉質軟腍，足以鋪滿整個鐵板，底下是薯菜，肚皮大滿足！小編最欣賞原隻活龍蝦魚香茄子煲，龍蝦肉爽彈，茄子肉碎同樣份量足，微辣鹹香，太好下飯了！

東哥笑言很多客人問可不可以賣貴些少，或者細份一點，不太想排隊，東哥笑言：「以前打工，老闆經常講，切細塊啲得啦，客人食完就走，賺到盡；但我覺得收得人錢就要俾番足夠份量，最緊要街坊食得開心，唔會蝕，最多賺少一點。」

冰室日日排長龍，很多客人更慕名跨區而來，大家應該很好奇為何半島仍會接受訪問？平日嚴厲的楓哥，誠懇地告訴小編，以往自己很少接受訪問，都是東哥做代表，不過今次他想藉此機會，感謝一班員工的包容和付出。「其實我平日於廚房好惡，同事們都很包容我，公司的成就全靠他們的努力，默默工作，自己好麻煩，一點事就發脾氣，見到有些事情不達標，或者燒燶了，我就會訓話那位同事；餐廳愈來愈難請人，餐廳卻愈開愈多，愈來愈少人入行，很多同事都各散東西，工作量就愈來愈多，很辛苦，現在經營一間餐廳其實不是一件容易的事，由朝忙到收工，除了食飯數十分鐘，去洗手間停一停，所有同事基本上都沒有停下來的一刻，最重要是有一班好的團隊，一個人做不了太多東西，好多事情都是一個人變兩個人，兩個人變三個人，一路一路聯繫，我們分工很細，我煎塊豬扒很美味，但飯不夠熱，又是另一個人去處理，儘管我做的飯幾好食，餐碟唔乾淨，就要靠洗碗的同事幫手，很多事件都是堆疊在一起，是一個循環來的，對我而言，所有事情都很重要，謝謝各位同事。」

是日午餐A：生滾活龍蝦紫菜肉碎豆腐湯飯 $68
隱藏Menu：葱油豬扒煎蛋飯$68
索女餐：特濃番茄牛肉湯通粉配炒蛋多士 $46
頭等餐：自家龍蝦湯海蝦球意粉配蟹肉蟹籽炒蛋多士$52
涮涮鍋C餐 $168
鐵板香煎紐西蘭牛肉眼$138
原隻活龍蝦魚香茄子煲$138

半島冰室
地址：北角炮台山宏安道14-28號威德閣地下2號鋪
營業時間：星期一至六7:30am-10pm 星期日休息
電話：2566 8030
FB：https://www.facebook.com/profile.php?id=100063641900534

編採：Eunice Ng
攝影：Fong Ka Him、Peter Li
剪接：Fong Ka Him
美術：Anita Lam
TalkFood 先填飽肚子再前進
YouTube : https://www.youtube.com/user/TALKFOOD
Facebook : https://www.facebook.com/talkfood
Instagram : https://instagram.com/talkfood?igshid=MTA0ZTI1NzA=

#茶記 #冰室 #茶餐廳 #炮台山 #港島最強冰室 #半島冰室 #性價比高 #龍蝦泡飯 #鐵板餐 #海鮮涮涮鍋 #葱油豬扒飯 #街坊嘢 #長龍店 #街坊店 #食晏 #早餐 #下午茶 #晚市 #外賣 #香港茶餐廳及美食關注組 #TalkFood_炮台山 #TalkFood

延伸睇片：【街坊嘢】熟食中心元祖級正統西餐 日頭ABC碟頭餐 晚市格仔枱布 熱賣13年招牌烤乳豬
https://www.youtube.com/watch?v=doWz1po-0z4&t=3s

#TalkFood【#街坊嘢】人氣長龍生煎包 | 筲箕灣小店 街坊排隊買到冇貨要拉閘？ | 灣仔真正大師級生煎包 |每枱必點 近$20/隻貴喺邊？？
https://www.youtube.com/watch?v=J5VqFPOQlX4